Ushbu sayohat Toshkent viloyatida joylashgan eng katta o’rmon hududlaridan birida amalga oshiriladi, tog’ o’rmonining oxiri yo’qdek ko’rinadi, chunki u haqiqatdan ham juda katta maydonda tarqalgan. U yerda siz daraxtlarning 10 dan ortiq turlarini uchratishingiz va soy-salqin so’qmoqlarda ajoyib sayr qilishingiz mumkin. Bu huddi ertaklardagidek. Ma’lumot uchun kuz fasli boshida tog’ mevalarining deyarli 90 foizi pishib yetiladi. Ushbu tog’ mevalariga asosan olmaning bir qancha yovvoyi turlari, do’lana va tog’ olcha kiradi. Bunday daraxtlar tog’ oldi hududlaridagi aralash o’rmonlarda juda ko’p uchraydi. Qish qattiq kelgan yillari tog’dagi juda ko’p mevali daraxlar kam hosil beradi, ammo shunga qaramay Chotqoldagi ushbu katta o’rmon hududida tog’ mevalarini har doim topishingiz mumkin.

 Sur'atlar muallifi: Marat Nadjibaev